Sopelako kiroldegiko langileak, aste osoan greban

Sopelako kiroldegiko langileak iaz, protesta-ekintza batean.

Urtarrilaren 21etik eta 26ra (datorren domeka) bitartean, greba egiten dabiltza Sopelako kiroldegiko beharginak, Bizkairako hitzarmen duina eskatuz. Kiroldegia itxita egongo da egunotan.

ELAk deituta, greba egitea erabaki dute Sopelako kiroldegiko langileak. Gainerako sindikatuek ere eginda zuten aste ginetarako eta otsaileko zenbait egunetarako greba-deialdia, baian joan den barikuan atzera egin zuten, Bizkaiko hitzarmen berrirako CEBEK patronalaren proposamena langileakaz aztertu bitartean. Azkenik, CCOOk, LABek eta UGT ontzat eman dute proposamen hori, eta ondorioz ez dute grebarako deialdia berretsi. Bai ordea ELAk, sektorean gehiengoa duen sindikatuak (ordezkarien %50etik gora). Otsailaren 4, 5 eta 6rako egindako deialdiari ere eusten dio ELAk oraingoz.

Iazko urriaren eta azaroaren bitartean aste biko greba eta mobilizazioak egin zituzten kiroldegietako langileek, baita Uribe Kostan ere. Kirolaren sektorearen profesionaltasunagaz bat datorren hitzarmena erreklamatzen zuten, soldata-igoerak KPItik gorakoak izan behar direlakoan. Era beran, kontratuen %80 lanaldi partzialekoak direla salatu zuten, eta erreferentziazko lanaldia eta lan egin beharreko jai-egunak hobeto saritzea aldarrikatu.

 

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun