Ezezagun-talde batek Sopelako BBKren bulegoaren kanpoko aldea margotu du bart gaueko goizaldean, eta idatzi bat helarazi dio HIRUKAri, ekintza aldarrikatuz eta datorren egueneko grebarako deia eginez.
Honela dio zabaldu duten mezuak:
"Greba orokorrean Euskal Herria gelditzeko deia egiten dugu, modu honetan azpiegiturak eta garraiobideak gelditzeko deia luzatuz. Gazteok bizi dugu prekarietate prozesua salatu eta beraz greba orokorraren beharra azpimarratzen dugu.
Oldarraldi neoliberalak eragindako prekarizazio prozesuak modu espezifikoan eragiten digu. Hori horrela izanik, greba orokorra ezinbesteko borroka eguna iruditzen zaigu prozesu honi aurre egiteko neurri zehatzak eta norabide aldaketa bat bultzatzeko.
Euskal Herrian lan egin, bizi eta ikasi nahi dugulako, bizitza duin bat izateko! U-30 Euskal Herria gelditzera goaz!".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
