Musika-talde lokalek izena eman dezakete daborduko Sopelako jaietan jotzeko

© SOPELAKO UDALA

Sopelako Udalak eta Jai Batzordeak lanean hasi dira jada 2020ko jaiak antolatzenko; hala, musika taldeek euren materiala aurkeztu ahal izango dute apirilaren 19ra arte.

Kurtzio Kultur Etxean aurkeztu ahal izango dituzte musika taldeek euren proposamenak, astelehenetik barikura, 11:00etatik 14:00etara eta 16:00etatik 20:00etara; baita zapatuetan eta domeketan ere, 10:00etatik 14:00etara eta 17:00etatik 20:00etara. Horretarako azkenengo eguna apirilaren 19a izango da.

Parte hartu ahal izateko, interesatuek gutxieneko oinarri batzuk bete beharko dituzte:

  1. Gutxienez taldeko partaideetariko bat Sopelan erroldatuta egon beharko du.
  2. Talde bakoitzak bere biografía, taldearen musika entzun ahal izateko CD/USB edo esteka bat eta kontakturako telefono edo e-mail bat aurkeztu beharko ditu.
  3. Beharrezkoa izango balitz, parte-hartzaile guztien artean zozketa bat egingo da eta irabazleek San Pedro edo Karmenetako jaietan jotzeko aukera izango dute.
  4. Taldearen euskararen erabilera kontuan hartuko da.
  5. Taldekideen artean emakumezkoen presentzia kontutan hartuko da.
  6. Aurreko urte bietan (2018-2019) deialdi horretan parte hartu ez duten taldeek izango dute lehentasuna.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun