Koronabirusa Uribe Kostan

Sopelan ere koronabirusaren zabalkundea geldiarazteko neurriak hartu ditu Udalak

Sopelako Udalak ere hainbat erabaki hartu ditu koronabirusaren zabalkundea eragozteko. Udal-instalazioak itxi eta horietan egitekoak ziren jarduera publikoak bertan behera utzi dituzte, bestelakorik esan bitartean. 

Honakoa dira Udalak, Eusko Jaurlaritzako Osasun Sailaren gomendioei jarraituz, hartutako neurriak:

Prebentzioz itxiko dira udal-kiroldegiak, Nagusien Etxea, Musika Eskola, Udal Euskaltegia, Udal Liburutegia, ikastetxeak eta haurtzaindegiak, eta bertan behera utziko dira horietan egitekoak ziren jarduera guztiak, baita Kurtzio Kultur Etxeak jendaurrean egiteko aurreikusita zituenak. Oraingoz, mantendu egiten da gaur arratsaldeko Bideo-maping jarduera, martxoaren 8ko jardueren barruan dagoena.

Larrabasterrako Herritarren Arretarako Bulegoa, prebentzio gisa, itxi egingo da, baina jendearentzat irekita jarraituko du udal eraikineko Herritarren Arreta Zerbitzuak. Hala ere, herritarrei gomendatzen zaie, posible den heinean, telematikoki egitea beharrezko kudeaketak. Horretarako, http://sopelaudala.org / udal web orria, herritarrak@sopela.eus helbide elektronikoa edo 94 406 55 00 telefonoa erabil ditzakete.

Bestalde, udal-langileei etxetik lan egiteko aukera eskainiko diete.

Erlazionatuak

Koronabirusaren jarraipena TOKIKOM medioetan

Erabiltzailearen aurpegia

Toki komunikabideak gertutik jarraitzen ari dira koronabirusaren mundu mailako krisiak herriz herri duen eragina. Mapa honetan jarraitu daiteke lan...