Koronabirusa Uribe Kostan

Sopelbus zerbitzua, martxoaren 27tik bertan behera

© SOPELAKO UDALA

Ohar labur baten bidez, Sopelako Udalak jakinarazi du barikutik aurrera Sopelbus zerbitzua etengo duela, Espainiako Estatuan ezarrita dagoen alarma-egoeragaz bat eginez.

Udalak ez du argitzerik izan noiz bueltatuko den Sopelbus zerbitzua atzera, eta eragozpenengatik barkamena eskatu die erabiltzaileei. 

Etxean kirola egiteko aukera

Bestalde, #NikEtxeanEntrenatzenDut ekimena ipini dute martxan udal-arduradunek, Serviocio BeOne taldeagaz batera. Hala, doako entrenamendu birtualak eskainiko dizkiete www.beone.es/behome helbidean izena ematen dutenei. Interesdunek etxean egiteko 300 klase birtual baino gehiago izango dituzte aukeran.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun