Ohar labur baten bidez, Sopelako Udalak jakinarazi du barikutik aurrera Sopelbus zerbitzua etengo duela, Espainiako Estatuan ezarrita dagoen alarma-egoeragaz bat eginez.
Udalak ez du argitzerik izan noiz bueltatuko den Sopelbus zerbitzua atzera, eta eragozpenengatik barkamena eskatu die erabiltzaileei.
Bestalde, #NikEtxeanEntrenatzenDut ekimena ipini dute martxan udal-arduradunek, Serviocio BeOne taldeagaz batera. Hala, doako entrenamendu birtualak eskainiko dizkiete www.beone.es/behome helbidean izena ematen dutenei. Interesdunek etxean egiteko 300 klase birtual baino gehiago izango dituzte aukeran.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!