Ume eta nerabeei begirako "Aisialdia Etxean" egitasmoa antolatu dute udarako

Sopelako Udalak 4 eta 18 urte bitartekoei zuzendutako aisialdi-eskaintza digitala prestatu du uda honetarako. Egunero ia ordubeteko tailer bat eskainiko dute, ekainaren 15etik irailaren 5era bitartean. Parte hartzeko ez da beharrezkoa izango aldez aurretik izena ematea.

Tailerrak online eskainiko dituzte Jitsi Meet bideo-deietarako aplikazioaren bidez. Astelehenetik zapatura, egunero, 50 minutuko saioak izango dira, euskaraz, eta adin -tarte  bakoitzak bere esteka izango du.

Era berean, adin-tarte bakoitzak bere ordutegia izango du tailerretarako. Ekainaren 15etik 30era, hauek izango dira ordutegiak:

Astelehenetik barikura:

  • 4-6 urte: 16:00-16:50
  • 7-9 urte: 17:00-17:50
  • 10-12 urte: 18:00-18:50
  • 13 urtetik aurrera: 19:00-20:00

Zapatuetan:

  • 4-6 urte: 10:00-10:50
  • 7-9 urte: 11:00-11:50
  • 10-12 urte: 12:00-12:50
  • 13 urtetik aurrera: 13:00-14:00

Uztailean, abuztua eta irailean (5era arte), berriz, hauek izango dira ordutegiak:

Astelehenetik zapatura:

  • 4-6 urte: 10:00-10:50
  • 7-9 urte: 11:00-11:50
  • 10-12 urte: 12:00-12:50
  • 13 urtetik aurrera: 13:00-14:00

 

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun