Lankidetzaren eta kirolaren alorretako jardueretarako laguntzak emango ditu Udalak

© SOPELAKO UDALA

Interesa dutenek ekainaren 22tik uztailaren 6ra arte eman ahal izango dute izena Sopelako Udalak lankidetzarako eta kirolerako emango dituen dirulaguntzak eskatzeko. Denera, 35.000 euro banatuko dituzte, gehienez ere, lehenengo multzoko jardueretarako, eta 12.000 bigarrenekorako.

Lehenengo deialdia lankidetzaren arloko jarduerak finantzatzeko da, garatzen diren jarduera-programen funtzionamendu-gastuak ordaintzen laguntzeko, besteak beste.

Bigarren laguntza pertsona fisikoek nahiz entitate juridikoek kirolaren esparruan 2020an egiten dituzten jarduerak finantzatzeko da, eta horrek ere funtzionamendu-gastuak eta garatutako programen ondoriozko beste batzuk kitatzen laguntzeko helburua du.

Kasu batean zein bestean, Udalak gogorarazi du eskaerek izan behar dutela Sopelarentzat.

Eskabideak Sopelako Udalaren Erregistro Orokorrean aurkeztuko dira, Sabino Arana kaleko 1ean, edo Larrabasterrako Loiola Ander Deuna kaleko 28an dagoen Herritarrentzako Arreta Bulegoan, baita telematikoki ere, udalaren egoitza elektronikoan.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun