Kultur jardueretarako dirulaguntza publikoen deialdia zabaldu dute Sopelan

CC BY SA-TXAPISOTEGI

Bihartik aurrera eta uztailaren 7ra arte zabalik egongo da epea Sopelako Udalean kultur jardueretarako dirulaguntzak eskatzeko. Denera 36.200 euro bideratuko dituzte horretara. 

Dirulaguntza horren bidez, "2020an udalerrian kultur arloan egiten diren jarduerak finantzatzeko helburua" du udal-gobernuak. Zehazki, jarduera horiek egiten dituztenen funtzionamendu-gastuak ordaintzeko erabiliko da dirua, bai eta jarduera horien ondoriozko gastuak ordaintzeko ere. Eskaerek "Sopelako udalerriarentzat interesgarriak" izan behar dute.

 

Eskabideak Sopelako Udalaren Erregistro Orokorrean aurkeztu beharko dira (Sabino Arana kalea, 1), edo Herritarren Arretarako Bulegoan (Loiola Ander Deuna kalea, 28, Larrabasterra), baita telematikoki ere, Udalaren posta elektronikoaren bidez.

 

Eskaera egiteko formularioa eta dirulaguntzaren oinarriak ikus daitezke lotura honetan.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun