Sopelako Udalak euskalduntzeari laguntzeko 4.500 euroko dirulaguntzak banatuko ditu. Bertako udal-euskaltegian matrikulatuta ez dauden 16 urtetik gorako herritarrak izango dira hartzaileak. Eskabideak egiteko epea uztailaren 1etik urriaren 31ra bitartekoa izango da.
"Gaitutako euskaltegietan euskara ikastearen ondoriozko gastuak ordaintzen laguntzea" da dirulaguntzaren helburua, Udalak azaldu duenez. Eskariak aurrez aurre aurkeztu ahal izango dira, Udalaren Erregistro Orokorrean (Udaletxean bertan, Sabino Arana 1), edo telematikoki, egoitza elektronikoaren bitartez.
Zehaztu dutenez, eskatzaileek euskaltegien bertaratze-baldintzak bete beharko dituzte dirulaguntza jaso ahal izateko (kasu batzuetan, maila gainditzea).
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!