Sopelako Udaltzaingoak gizon bat ikertu du, obra bateko materiala osteagatik

© SOPELAKO UDALA

Sopelako Udaltzaingoak 47 urteko bertako bizilagun bat ikertu du, joan den ekainaren 28an ustez Akilino Arriola kaleko eraikin batetik lapurtutako erremintakaz harrapatu ostean, Udalak jakinarazi duenez.

Aipatutako egunean, udaltzain-patruila batek gizon bat ezustean harrapatu zuen. Udalaren esanetan, gizona ezaguna zen ondarearen aurkako delituengatik aurrekari ugari izateagatik. Motxila erraldoi bat zeraman, eta barruan zenbait lan-tresna. Polizien esanetan, ezin izan zuen frogatu non eskuratu zituen. 

"Behar ziren ikerketak egin eta hurbileko obra bateko langileei deklarazioa hartu ostean, erremintak ezagutzen zituztela adierazi eta salaketa jarri zuten lapurretagatik. Tresna horiez gain, ikertuak neopreonozko jantzi batzuk zeramatzan, eta Udaltzaingoa horien jatorria ere ikertzen ari da", azaldu du Udalak.. 

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun