Udal-hilerriaren araudia aldatzearen gaineko kontsulta publikoan parte har daiteke gaurtik

© SOPELAKO UDALA

Hilerriaren gaineko araudia "aldatzeko interesa dagoela ikusita", lehenik eta behin herritarrek gai horretaz zer iritzi duten jakin gura duela adierazi du Sopelako Udalak. Hala, kontsulta publikoa egingo dute uztailaren 13tik 27ra, udal-webgunearen bidez.

"Kontsulta web-atariaren bitartez (www.sopelaudala.org) bideratuko da", azaldu du Udalak. "Bertan jasoko da zer iritzi duten etorkizuneko arauaren eraginpean gerta litezkeen subjektuek eta erakunderik ordezkagarrienek honako gaien inguruan: ekimenarekin konpondu nahi diren arazoak, arau hori onestea beharrezkoa eta egoki den, arauen helburuak eta izan litezkeen bestelako aukera erregulatzaile eta ez-erregulatzaileak".

Udalaren bulegoetan eta bide elektronikoz ere (https://sopela.egoitzaelektronikoa.eus), aurkeztu ahal izango dira proposamenak eta iritziak, "baita 39/2015 Legeak adierazitako gainerako bitartekoz ere". Zalantzak argitzeko, udal-bulegoetara jo daiteke, edo udala@sopela.eus helbide elektronikora idatzi. 

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun