Sopelako Udalak jakinarazi duenez, hastear dagoen ikasturtean Zipiriñe eskolako patioan ipinitako 20x40 metroko karpa handi bat baliatuko da ikastetxera sartu baino lehen ikasleen tenperatura neurtzeko, eta sartzeko momentuan izaten diren jende-pilaketak saihesteko. Beste karpa txikiago bat (15x20) ere egongo da zabuen ondoan, aire zabaleko ariketa egiteko eta gimnasio modura erabiliko dena. Gaur egungo gimnasioa berriz, jangela izango da. Karpa biak ipintzearen kostua 70.000 eurokoa da.
Karpa handiaren barruko eremuan norabideak adierazteko seinaleak egongo dira, eta pertsonen arteko distantziak zein izan behar duen ere gogoraraziko dute. Modu horretan sarrera mailakatua egien ahaleginduko dira, pilaketa barik. Gainera, eguraldi txarra dagoenerako jolastokia ere izango da 40.000 euroko kostua duen gune hori.
Karpa txikirako 30.000 erabili ditu Udalak, batetik lurzorua egokitu eta tarima bat ipintzeko eta bestetik karpa bera eraikitzeko. Gimnasioaren funtzioa beteko du, oraingo gimnasioa jantoki modura erabiliko baita, otorduetan ikasleen arteko distantzia egokia dagoela bermatu ahal izateko.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
