Ruper Ordorikaren kontzertuak emango dio hasiera Euskal Jaiari

CC BY NC ND-DENA FLOWS

Gaur iluntzean hasiko da Euskal Jaia Sopelan. Domekara arte iraungo du eta azokak eta emanaldiak eskainiko ditu, betiere COVIDa dela eta ezarritako osasun-neurriak kontuan izanda. Udaletxe inguruan egingo dira ekitaldi denak.

Lehenengo ekitaldia Ruper Ordorikak gaur, 21:00etatik aurrera, eskainiko duen kontzertua da. Bere azken lana aurkeztuko du kantari oñatiarrak. Bihar, zapatua, nekazaritza-azoka egingo da goiz osoan zehar, eta 21:00etan Hutsun eta Ortzi konpainiak Urbasa txalaparta eta zirku-ikuskizuna emango du.

Domekan herri-kirolen erakustaldia egingo dute 12:00etatik aurrera, Bizkaiko 2020ko Harri Txikien Harrijasotzaile Txapelketa Ofiziala barne. Ondoren, 18:00etan, 6 urtetik aurrerako umeek Eidabe konpainiaren Meri, Mari eta Lari kantu- eta ipuin-ikuskizunaz gozatzeko aukera izango dute.

Euskal Jaia

Euskal Jaia 1924. urtean sortu zen, Sopelara etortzen ziren turistek egonaldia luzatzeko. Denboraz garrantzia hartu du, eta gaur egun ezinbesteko hitzordua da herrian, euskal jaietako tradizio gehienak biltzen dituena, euskal produktuak, gastronomia, dantzak, musika, kirolak…

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun