Sopelako Udalak jakinarazi du 40.000 euroko inbertsioa egin duela (BEZa kontuan hartu barik) semafororik ez dute bide nagusietako zebra-bideen aldamenean argiak ipintzeko, hogei denera. Gidarien eta oinezkoen segurtasuna hobetzea da helburu nagusia, adierazi dutenez.
Akilino Arriola Loroño, Urgitxieta eta Sabino Arana inguruetan ipini dituzte kale-argi berriak, LED teknologiagaz funtzionatzen dutenak. Erabiltzaileen eta inguruko ondasunen segurtasuna bermatzeaz gain, "gauean giro atseginagoa" sortzeko asmoa ere izan dute udal-arduradunek, Josu Landaluze alkateak azaldu duenez.
Alkateak gaineratu du herriko beste gune batzuetan ere halako farolak ipintzeko aukera aztertzen dabilela Udala.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
