Antzerkia, umeentzako tailerrak, filmak... Hainbat ekintza eta kultur jarduera antolatu ditu Sopelako Udalak urriaren 30 eta 31rako eta azaroaren 1erako, Arimen Gaua lelopean. Osasun Sailak berretsi beharko du jarduera denak egiteko baimena, eta Sopelako Udalak "ez du bere gain hartuko programazio hori osorik edo partzialki etetearen erantzukizunik", adierazi dutenez.
Barikuan, urriak 30, 21:00etan, helduentzako Psike kale-antzezlana eskainiko du Markeliñe konpainiak Udaletxeko Plazan. Gonbidapenak Kurtzio Kultur Etxean eskura daitezke daborduko.
Jarraitzeko, urriaren 31n (zapatua), umeentzako tailerrak antolatuko dira Udaletxeko Plazan. 11:00etatik 14:00etara 3 eta 6 urte arteko umeek hartuko dute parte, eta 17:00etatik 20:00etara, berriz, 7 eta 12 urte artekoek. Kasu horretan ere gonbidapenak Kurtzio Kultur Etxean har daitezke.
Azkenik, domekan, azaroak 1, 18:00etan, Horman erlojua duen etxea filma emango dute Kurtzio Kultur Etxean. Mozorrotuta doazenek saria izango dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
