Iberre eta Arrietara kaleak asfaltatzeko eta konpontzeko lanak, lehiaketa publikora

Iberre kalea. © SOPELAKO UDALA

Sopelako Udalak ia 200.000 euroko inbertsioa egingo du Larrabasterrako kale bi asfaltatzeko eta egokitzeko: Iberre eta Arrietara. Hartara, lan horien lizitazioa atera du egunotan. Lanek 25 eguneko iraupena izango dutela iragarri dute.

"Jasaten duten trafiko handia dela eta", bide biak "apur bar hondatuta daudela" azaldu du Udalak; "beraz, zolatu beharra dago". Iberre kalearen kasuan, bide hori Urgitxietagaz eta Gatzarriñegaz lotzen duen biribilgunetik (kalearen beheko aldean) Akilino Arriolarekiko bidegurutzera arte jardungo da. Arrietara etorbidean, berriz, zati bitan egingo dira hobekuntza-lanak. Batetik, hondartzako aparkalekua eta Indian´s tabernaren pareko biribilgunea lotzen dituen tartean. Bestetik, biribilgune horretatik Loiola Ander Deunako bidegurutzerainokoan.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun