Aparkalekua doakoa izango da lehendabiziko 90 minutuetan, dagokion makinan tiketa aterata. Udalak arrazoitu duenez, "merkatariek eskatutako neurria da", eta, dirua biltzea baino, helburua da herrikoak ez direnentzat txandakako aparkaleku bat sortzea. Ordutegia 09:00etatik 13:30era izango da.
Proposamena azaroaren 26ko Udaleko osoko bilkuran onartu zuten. Orain, Bizkaiko Aldizkari Nagusian argitaratuko dute, eta 30 eguneko epea izango du alegazio eta erreklamazioak jasotzeko.
Bere aldetik, EH Bilduk galdetu zuen erabaki hori ea zein ikerketetan oinarritzen den eta zergatik aukeratu duten kale hori, herriko komertzialena ez dela argudiatuta. Karrika oinezkoentzat egiteko lanak atzeratu direla eta, obrarik behar ez duen neurri horrek, txandakatzen joango diren 30 aparkaleku sortuko dituela erantzun zuen Josu Landaluze alkateak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
