Tokiko kontsumo-bonuen kanpaina abenduaren 18tik otsailaren 28ra bitartean egingo dute, herriko 58 merkatari, ostalari eta enpresariren parte-hartzeagaz.
Udalerriko jarduera ekonomikoaren eragileak diren sektoreak biziberritzeko helburuagaz, Udalak 8.635 bonu jarriko ditu zirkulazioan, lehenengo edizioan baino 1.889 bonu gehiago. Aktibatu Klik Sopela kanpainan, gutxienez 20 eta 40 euroko erosketak egiten dituztenek, 5 eta 10 euroko deskontu-bonuak baliatu ahal izango dituzte, hurrenez hurren.
Kanpainara batu diren saltokiek eskura izango dituzte bonuak, baita kanpaina identifikatzeko kartela zein jarraibideak ere abenduaren 15etik 17ra, 09:00etatik 13:30etara, Sopelako udaletxean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
