Kilo bat haxix konfiskatu dute Sopelako taberna batean

Aurkitutako haxix-tabletak. © SOPELAKO UDALA

Sopelako udaltzainek pertsona bat ikertu dute ustez osasun publikoaren aurkako delitu bat egin duelakoan. Udal-iturrien arabera, jazoera udalerriko ostalaritza-lokal batean egindako erregistro batean bederatzi haxix-tableta (kilogramo bat, gutxi gorabehera) konfiskatzeagaz lotuta dago.

Substantzia estupefazienteen konfiskazio txikien jatorria ikertzen ari ziren udaltzainak abenduaren 22ko 19:35ean sartu ziren Sopelako ostalaritza-lokal batean, eta lau pertsona aurkitu zituzten porru bana erretzen. Erregistroan haxixezko bederatzi tableta aurkitu ziren.

Establezimenduaren arduraduna osasun publikoaren aurkako delitu baten ustezko egile gisa ikertzen ari da Udaltzaingoa, eta agenteek lau bezeroren aurkako salaketa-aktak egin dituzte, COVID-19agaz zerikusia duten osasun-arauak hausteagatik (maskararik ez erabiltzea eta distantziak gorde gabe erretzea) eta Herritarren Segurtasuna Babesteko Legea hausteagatik. Lokala prezintatuta geratu da epailearen erabakiaren zain.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun