Denok Batera (DB-TU) indar politikoak eskatu du datorren urteko Sopelako aurrekontuetan sail bat egon dadila Jauregizar plaza eta izen bereko parkea egokitzeko ideia-lehiaketa irekia antolatzeko. "Herriko gune publikorik garrantzitsuenetakoa da", adierazi dute, "eta horregatik uste dugu eraberritzeari ekin baino lehen Udalak ahalik eta ideia eta proposamen kualifikatu gehien izan beharko lukeela mahaiaren gainean".
Lehiaketaren deialdia lehenbailehen egin dadila eskatu du DB-TUk. Talde horren proposamenaren arabera, hiru sari eman beharko lirateke, eta beste horrenbeste accesit. Edonork izan behar luke parte hartzeko eskubidea, eta Sopelako herritarrek aukera izango lukete jasotako ideien gaineko balorazioa egiteko.
"Herritarrek baloratuko dituzten ideiak eta proposamenak hautaketa Udaleko talde politikoen iritzi entzun ostean aukeratuko dira", gehitu dute. Gainera, lehiaketa behar bezala iragartzea eta ideiak aurkezteko behar besteko epea ematea eskatu du DB-TUk bere proposamenean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
