Sopelako Udaltzaingoa sexu-askatasunaren aurkako delitu bat ikertzen ari da

Erasoa urtarrilaren 24ko iluntzean izan zen.

Ustez adingabe baten aurrean exhibizionismo-ekintzak egitea leporatuta, Sopelako Udaltzaingoak 47 urteko gizon bat epailearen esku jarri du.

Biktimak ustezko erasoaren salaketa jarri zuen Sopelako Udaltzaingoaren bulegoetan. Horren arabera, jazoera joan den urtarrilaren 24an izan zen, gaueko 21:30ak aldera: Martxoak Zortzi kalean txakurra paseatzen ari zela, gizon bat kalea gurutzatu, kotxe baten kapotan jarri eta, prakak jaitsita, masturbatzen hasi zen. Biktimak adierazi du berehala ihes egin zuela handik.

Gertaera horren berri izan ondoren, udaltzainek ikerketa hasi zuten, eta hilaren 27an, eguaztenean, ustezko egilea aurkitu eta identifikatu zuten. Gizonak antzeko jokaerakaz erlazionatutako aurrekari ugari dituela jakinarazi dute udal-iturriek.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun