Migratutako pertsonentzako gida bat argitaratu du Sopelako Udalak

Udalerrira iristen diren pertsonen eskura dauden baliabideei buruzko informazioa biltzen duen gida argitaratu du Sopelako Udalak. Horren helburua da pertsona horien etorrera eta gizarteratzea errazagoak egitea; besteak beste, errolda, gizarte-zerbitzu, osasun-laguntza edo hezkuntza sarbiderako baliabideak ematen ditu.

Sopelara iristen diren pertsona etorkinek dituzten baliabide eta zerbitzu publikoak biltzen dituen gida bat argitaratu du Gizarte Ekintza, Emakume eta Berdintasun eta Lankidetza Sailak. Udal-iturriek jakinarazi dutenez, sail hori aspalditik ari da lanean harrera-prozesuak bideratzen eta migratzaileen eskariei erantzuten.

“Sopelako Udalak harreraren arloan egindako lehen ekintza da. Gida horren bidez, pertsona horien etorrera eta gure gizartearekiko lehen harremana errazagoak izatea nahi dugu, erabat integra daitezen", jakinarazi du Teresa Fernandez zinegotziak.

Gida Sopelako Udalaren webgunean kontsulta daiteke, baita inprimaki moduan ere Udalaren Gizarte Ekintza, Emakume eta Berdintasuna eta Lankidetza Sailean.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun