Sopelako Udalak ihauterietako ekintza bereziak antolatu ditu

Egunotan ihauteriak ospatzeko ekintza bereziak antolatu ditu Sopelako Udalak. Horien artean, eskulan eta zientzia tailerrak, malabarismo ikuskizuna eta bertso-antzerkia egingo dituzte udaletxe plazan; beti ere, segurtasun-neurriak mantenduta.

Gazte sopeloztarrek ihauterietan ere ondo pasa dezaten Udalak hainbat ekintza antolatu ditu otsailaren 13tik eta 17ra bitarterako. Horiek udaletxeko plazan egingo dituzte, eta parte hartu gura dutenek izena eman beharko dute aldez aurretik, Kurtzio Kultur Etxean. Antolatzaileek adierazi dutenez, COVID-19aren prebentziorako segurtasun-neurriak mantenduko dira.

Hauek dira egun horietarako antolatu dituzten ekintzak:

  • Otsailak 13, zapatua:
    • 11:00etan eta 12:30ean: 3 eta 6 urteko gazteentzako eskulan-tailerrak.
    • 18:00etan: Nai malabaristaren ikuskizuna.
  • Otsailak 14, domeka:
    • 11:00etan eta 12:30ean: 3 eta 6 urteko gazteentzako eskulan-tailerrak.
  • Otsailak 15:, astelehena:
    • 10:30ean eta 12:30ean: 7 eta 12 urteko gazteentzako zientzia-tailerrak.
  • Otsailak 16, martitzena:
    • 10:30ean eta 12:30ean: 7 eta 12 urteko gazteentzako zientzia-tailerrak.
  • Otsailak 17, eguaztena:
    • 10:30ean eta 12:30ean: 7 eta 12 urteko gazteentzako zientzia-tailerrak.
    • 18:00etan: Urpekariak bertso-antzerkia (euskaraz), 6 eta 11 urte bitarteko umeei eta familiei zuzenduta.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun