Leticia Canales Europako txapeldun izendatu da Valdoviñon

Leticia Canales Europako surf txapeldunaren garaikurragaz. © BASQUE TEAM

Basque Teameko surflari sopeloztarrak final-laurdenetan eskuratu du Abanca Pantin Classic txapelketako txartela, Pauline Ado Angeluko surflariaren aurka.

Leticia Canales Europako surf txapeldun izendatu zen zapatuan, uztailaren 3an, Valdoviñon (A Coruñan) egin zen Abanca Pantin Classic Galicia txapelketan. Garaipen horregaz, Canalesek ezarritako helburua bete zuen: World Surf Leagueko Qualifying Series zirkuituan Europako surflari onena izateko beharrezko puntuak lortzea. Sopelako surflaria eta Tokioko jokoetarako sailkatu zen Pauline Ado Angeluko surflaria lehiatu ziren azken sariagatik, baina Basque Teameko kirolaria izan zen garaipena lortu zuena.

Canalesek 32ko surflarien kanporaketan hasi zuen txapelketa, Ibone Gomez, Lucia Martino eta Cristina Iglesiasi gailenduta. 16ko txandan Ariane Ochoaren atzetik egin zuen aurrera, bigarren postuan, eta Camilla Kemp eta Bianca Tye kanporatu zituen. Gauzak horrela, hurrengo kanporaketara igaro zen, eta Adoren aurkako txandan titulua lortzeko puntu nahiko bereganatu zituen.

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun