Sopelako Udalak 8.750 euro banatuko ditu udalerriko ekintzaileek aurkezten dituzten ideien artean. Eraikinn Sopela enpresa ideien lehiaketaren helburua da udalerrian enplegua eta ekonomia sustatzen duten ekimenak babestea eta egitasmo onenak saritzea.
Eraikinn Sopelan 16 urtetik gorako edozein pertsonak edo taldek parte har dezake. Baldintza bakarra izango da autonomoa ez izatea edo jarduera horretarako pertsona juridikorik sortuta ez izatea. 5.000 eurorainoko diru-saria lortzeko hautagaia izateko, ideiak hilaren 29a baino lehen bidali beharko dira.
Lehiaketaren oinarriak eta gainontzeko informazioa esteka honetan kontsultatu daiteke.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!