Kiribile elkarteko kideek zapatu honetarako egin dute deialdia, hilaren 17rako, 10:30etik 13:30era. Jarduerak Sopelako Udalaren laguntza izango du eta Aranzadik eskainiko dituen dibulgazio-ekintza bategaz osatuko dute; gainera, ekimenari buruzko gida bat ere banatuko dute bertaratzen direnen artean. Aurreko jarduketetan, Kiribile elkarteko kideek Urkoko ibarrean dauden putzuak egokitzeko ekimenak burutu dituzte, bertako flora eta faunarentzat ezinbestekoa den habitata hedatzeko helburuagaz.
Zapatukoa deialdi irekia izango da, beraz, edonork parte har dezakeela adierazi dute Kiribileko antolatzaileek: "Gure ondare naturalaren alde lan eta gozatzeko aukera ederra izango delakoan, etortzera animatzen zaituztegu". Hitzorduko egunean eguraldi ona iragarrita dagoela jakinarazi duten arren, bertaratu gura dutenei arropa egokiak eramatea gomendatu diete: "Belarra bustita eta lurra lokaztuta egongo baitira". Halaber, bukatzean, hamaiketako ere egingo dute.
Bestelako informazio eskaerak egiteko edo zalantzak argitzeko kiribile.sopela@gmail.com helbide elektronikoa ahalbidetu dute.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
