Kanpaina horretan izena emateko interesa duten ostalaritza-negozioek Sopelako udal-webguneko esteka honen bitartez eman beharko dute izena. Horiei esker, ekimenagaz bat egiten duten establezimenduetan kontsumitzen duten erabiltzaileek bost euroko deskontua izango dute 10 euroko erosketa bakoitzeko.
Establezimenduek eurek aplikatuko dituzte deskontu-bonuak, eta, horretarako, onuradunek, aurretik, NAN edo AIZ erakutsi beharko dute ondasunak erosi edo zerbitzuak eskuratzen dituztenean.
Udalak zehaztu duenez, pertsona bakoitzak, gehienez, 30 euroko deskontua izango du, eta onuradun bakoitzak hainbat ostatutan edo bakarrean erabili ahalko ditu horiek. Era berean, onuradunak erosketa bakarrean ala hainbatetan erabili ahal izango ditu deskontu-bonu horiek.
Apirilaren 11tik maiatzaren 31ra arte edo horiek agortu arte banatuko diren bonuetarako Sopelako Udalak 15.000 euro bideratuko ditu, kontsumitzaileek jasoko dituzten deskontuak ordaintzeko.