Ingurumena zaintzeaz gain, tapoi-bilketagaz lortutako dirua Sanfilippo Euskal Elkarteari zuzentzen zaio, Euskadiko Sanfilippo sindromea duten haurren senide eta lagunek osatutako elkarteari, hain zuzen. Gaur egun, gaixotasun hori duten zazpi kasu egiaztatu dituzte EAEn, bat Gipuzkoan eta sei Bizkaian, horietako hiru anai-arrebak izanda.
Sopelako Udalak instalatutako lau edukiontzi grisetan biltzen dira tapoiak, hurrengo guneetan kokatuak: udalerriko turismo bulegoaren aurrean, udaletxearen ondoan; Larrabasterrako Urgitxieta plazan, Uribe Kostako Mankomunitatearen bulegoaren ondoan; Arrietan, Solondota eta Arrietara kaleen arteko bidegurutzean, Indian tabernaren parean; eta Atxabiribil hondartzan, lurpeko edukiontzien eta autobus geltokiaren ondoan. Halaber, edukiontzi horiek guztiak birziklatze-uharteetatik hurbil daude.
Ekimenaren inguruko informazio gehiago hurrengo webgunean.