5 eta 12 urte bitarteko ume eta gazteei zuzendutako marrazki lehiaketa da, hiru kategoriatan banatuta: 5-7 urte, 8-10 urte eta 11-12 urte. Gaia Olentzero eta Mari Domingi Sopelan da eta gutxieneko tamaina A4 da, folio bat, alegia. Edozein teknika erabili daiteke marrazkiak egiteko, baina irudiak originalak izan behar dira, ez da kopiarik onartuko. Hala, lanak aurkezteko azken eguna abenduaren 12a izango da, martitzena.
Lanak Sopelako Kurtzio Kultur Etxean aurkeztu behar dira. Astelehenetik barikura: 09:00etatik 14:00etara eta 16:00etatik 20:00etara. Asteburuetan: 11:00etatik 14:00etara eta 17:00etatik 20:00etara. Abenduaren 6tik 10era itxita egongo da.
Aurkezteko erari dagokionez, marrazkiak atzetik ezizen bat edukiko du eta kanpoan ezizen hori duen gutun-azal itxi baten barruan egilearen datuak agertuko dira (izena, adina, helbidea eta telefonoa).
Guztira, hiru sari banatuko dira, kategoria bakoitzeko bat, abenduaren 24an udaletxeko plazan, arrastian, Olentzero eta Mari Domingi gauaren ospakizunean. Marrazki irabazleetako bat Gabonetako postalaren irudia izango da eta Olentzero eta Mari Domingi gaua iragartzeko erabiliko da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
