Pertsona hori kableak eramaten antzeman eta gero, polizia-ikerketak hasi ziren haren jatorria argitzeko. Hala, egiaztatu ahal izan zuten Barrika udalerriagaz muga egiten duten bi eremutan, San Andres ermitaren ondoan eta Mendieta kalean, kutxatilak ireki zirela eta inguruko argiteria publikoa hornitzen zuen lur-kablea moztu zela.
Gizon bat atxilotu dute Sopelan kable lapurreta egotzita
Sopelako Udaltzaingoak urtarrilaren 2an hasitako ikerketa amaitu du: mozketa-tresnak eta udalerriko argi-horniduraren kableatu ugari zeramatzan pertsona bat antzeman eta atxilotu zuten Loiola Ander Deuna kalean. Urtarrilaren 9an, pertsona hori berriro aurkitu zuten Sopelako anbulatorioaren ondoan eta gerturatutako agenteek egiaztatu zuten atxilotzeko eta espetxeratzeko agindua zuela. Hori dela eta, Udaltzaingoaren bulegoetara eraman zuten eta han ikertua geratu zen kableatua lapurtzeagatik. Getxoko ertzain-etxeko agenteek espetxean sartu zuten.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun