Sopelako inauterietako gaia marrazki bizidunak da

Nahia Martinez Gondra 2024ko urt. 18a, 10:07
Deskargatu Info Ahotsak :
es en fr

Inauterietako Mozorro Lehiaketa otsailaren 11n izango da. © SOPELAKO UDALA

Sopelako Kuadrillak taldeak iragarri duenez, herriko inauterietako jaiek badute gaia: aurten marrazki bizidunetako protagonistak izango dira nagusi. Horrez gain, Sopelako Udalak bere Inauterietako Mozorro Lehiaketako baldintzak ere jakinarazi ditu. Otsailaren 11n, domekan, egingo dute, 17:00etan Urgitxieta plazan. Desfilea 17:15ean hasiko da, Urgitxieta plazatik Urko kiroldegiraino, eta bertan diskofesta eta sari-banaketa izango dira, 18:00etatik aurrera. Azken honetarako gaia, librea izango da.

Inauterietako Mozorro Lehiaketan kategoria bakarra “taldea” izango da, eta gutxienez hiru pertsona hartuko dira taldetzat. Izen-emateak urtarrilaren 29tik otsailaren 8ra bitartean egingo dira, honela: erantsitako fitxa duen mezu elektroniko bat bidaliz info@sopela.eus helbidera, “mozorro lehiaketa” gaiagaz; Kurtzio Kultur Etxean, astelehenetik barikura 09:00etatik 14:00etara eta 16:00etatik 20:00etara, zapatu eta domeketan 11:00etatik 14:00etara eta 17:00etatik 20:00etara. Halaber, ezinbestekoa da parte-hartzaileen kopuru zehatza adieraztea otsailaren 8rako, 20:00ak baino lehen.

Informazio gehiago hemen.

Jendartea Sopela
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun