Herritarrak daborduko has daitezke prestatzen urtero ospatzen den Sopelako Herri lasterketarako. Martxoaren 24an egingo dute, goizeko 10:30etik aurrera. Hala, izen-ematea osatzeko, herritarrak webgune ofizialaren bidez erregistra daitezke martxoaren 19ra arte, hemen.
Antolatzaileek gogorarazi dute ezinbestekoa dela epe barruan izena ematea, izan ere, ez dituzte inskripziorik onartuko aldi horretatik kanpo. Hala, dortsalak udal-igerilekuan banatuko direla jakinarazi dute, martxoaren 21ean eta 22an, 18:00etatik 20:00etara. Bestalde, herriko udaletxean ere banatuko dituzte martxoaren 23an, 10:00etatik 12:00etara.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!