Sopelako udaletxean egingo dute aurkezpena domeka honetan, otsailaren 25ean, goizeko 12:00etan. Euria egitekotan Jauregizarren kokatuko dira. Hala, Sopelako Korrika Batzordeak antolatutako ekitaldi horretan askotariko jarduerak egongo dira, hala nola eskuz egindako tokiko produktuak, talo gozoak eta artisau garagardoa.
Datorren martxoaren 21ean, euskararen aldeko lasterketa ezaguna den Korrika Sopelatik igaroko da. Horregatik, Sopelako Korrika Batzordeak hainbat ekitaldi antolatu ditu. Domeka honetan, otsailaren 25ean, musikaz gain herrian zehar zirku bira bat egingo dute, nagusiak zein umeak entretenitzeko. Gainera, Korrikako materiala erosteko aukera ere izango da, hala nola petoak, arropa eta gehiago.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!