Ohi legez, apirilaren 27an izango da Sopelako Esaera Zaharren 29. Txapelketa. Parte hartu nahi duten lagunek bi, hiru edo lau laguneko taldea osatu beharko dute, 100 esaera zaharren zerrenda ikasi eta erreserba-fitxa bete behar dute apirilaren 22a baino lehen. Hala, esana haizeak eramaten du; eskribitua han gelditzen da, txurian beltza lelopean, euskaldunak esaera zaharrakaz jolasean aritu dira egun osoan zehar. Informazio guztia, hemen.
Sopelako udaletxeko plazan 11:00etan elkartuko dira antolatzaileak, parte hartzaileak eta bertsolariak, 11:30ean lehiaketari hasiera emateko. AEKako antolatzaileek azaldu bezala, "goiza tabernaz taberna emango dute, bertsoak entzun eta horiekin bat datozen esaerak identifikatu ahala taldeek aurrera jarraituko duten ala ez erabakitzen". Ondoren, bazkaria egongo da Artadi garagardotegian, eta bertan jarraituko dute lehian arrastian, finalaurrekoak eta finala Erika Lagomaren eta Manex Agirreren bertsoak lagun dituztela jokatuz.
Halaber, parte hartzaile guztiek oroigarria jasoko dute, eta hainbat sari ere banatuko dira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
