Urtero legez, Sopelako Kuadrillak taldeak Kuadrilla Eguna ospatuko dute maiatzaren 11n, zapatuan. Aurten, alabaina, erabaki dute "egun berezia" izan behar dela eta Palestinari elkartasuna adierazteko probestuko dute ekimena. Hala, egun osoko egitaraua herrialdearen egoera ezagutzera eta salatzera egongo da bideratuta. Era berean, lortzen den diru guztia Palestinari laguntza emateko izango da.
Antolatzaileek diote ezinbestekoa ikusten dutela gizartearen inplikazioa Palestinaren sarraskia salatzeko, "elkartasuna adieraziz eta Israelen kolonialismo basati eta suntsitzailea seinalatzeko". Hala, nabarmendu dute ezin dutela "ez ikusiarena egin", eta horregatik, sopeloztar guztien parte hartzea eskatzen dute maiatzaren 11n egingo den herri-argazkirako.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
