'Furias' antzezlana aurkeztuko dute, maiatzaren 25ean, Uribe Kostako Emakumeen Tailerra Eszenan ikastaroaren barnean

Nahia Martinez Gondra 2024ko maiatzaren 14a
Deskargatu Info Ahotsak :
Español English Français Català Galego

Uribe Kostako Mankomunitateko Emakumeentzako Jabekuntza Eskolako Antzerki Tailerretik sortu zen antzerki taldea.

Esther Lobato irakaslearen zuzendaritzapean, historia berridatzi eta komediaren bidez greziar tragediako pertsonaia ezberdinak kontatzen dituzten emakumeri buruzko emanaldia da Furias. Hala, Kurtzio kultur etxean aurkeztuko dute maiatzaren 25ean, zapatuan, arrastiko 19:00etatik aurrera. Uribe Kostako Emakumeen Tailerra eszenan ikastaroaren amaierako lana da pieza. 

Furias ikuskizunean, historiako emakumeek (Hecuba, Medusa, Eunice…) Zeus bezalako pertsonaiak beste ikuspuntu batetik aztertzen dituzte. Sarrerak doakoak izango dira, baina eserlekua gorde behar da maiatzaren 15etik aurrera, hemen.

Antzerki taldea Uribe Kostako Mankomunitateko Emakumeentzako Jabekuntza Eskolako Antzerki Tailerretik sortu zen. Ikastaroak bere autonomia hartu du, baina Mankomunitateak entseguetarako eta sorkuntza artistikoa publikoari estreinatzeko lekua kudeatzen lagundu du.

Kultura Sopela
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun