% 100 diruz lagundutako programa aurkeztu du Sopelako Udalak, adituak diren pertsonek emakume ekintzaileak euren prozesuan laguntzeko eta lankidetzan aritzeko. Ekainean zehar egingo dute, astelehen, eguazten eta eguenetan, goizeko 09:15etik 14:15era, Sopelan. Izen-ematea zabalik dago maiatzaren 29ra arte. Zure curriculuma solela@aldalan.com helbidera bidaliz eman dezakezu izena, gaian honako hau adieraziz: LT3.
Sopelako Udalak, Gizarte Zinegotzigoaren bitartez, lanean jarraitzen du emakumeen ekintzailetza aurrera eramateko eta udalerriko emakumeen arteko batasuna sustatzeko, ideia, proiektu eta enpresa-ekimenen sustatzaileak direlako horiek.
Ekimen berri honegaz, interesa duten pertsonek ekiteko aukerak aurkitu; trebetasunak motibazioak, ideiak eta eragina duten proiektuak aztertu; ekintzailetzaren ekosistema ezagutu eta haien ideiak, jomugak eta proiektua definitzeko prozesuan laguntza izango dute.
Informazio gehiago nahi izanez gero 946 026 209 telefonoan jar zaitezke harremanetan.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
