Lehiaketako balorazioari dagokionez, ezinbestekoa da irrintzia kolpe bakar batean izatea, bestela hori ez da baliozkoa izango. Hiru ezaugarri hauek hartuko dira kontuan: indarra, tonua eta iraupena.
Horietako bakoitzaren balorazioa 1, 2 edo 3 puntukoa izango da eta irrintziaren azken puntuazioa balorazio horien batura izango da. Hala, parte-hartzaile bakoitzeko, puntuaziorik handiena lortu duen irrintzia hartuko da kontuan. Modu horretan, irrintzi irabazlea izango da kategoria bakoitzean puntuaziorik handiena lortu duena.
Berdinketa gertatuz gero, irrintzirik luzeena izango da irabazlea. Parte-hartzaileek zalantzak edo erreklamazioak badituzte, probako epaimahaiak ebatziko ditu.
