Plan orokorrak behin betiko onartzeko eskumena duten 7.000 biztanletik gorako udalerrietan nahitaezkoa den kontsulta-organo hori bigarrenez bildu da Sopelan, joan den irailean lehen aldiz elkartu ondoren. Oraingo honetan, HAPOren Aurrerapenaren dokumentua aurkeztuko da, udalerriko hirigintza-antolamenduaren irizpideak, helburuak, alternatibak eta proposamen orokorrak zehazten dituen zirriborroa.
Aurrerapena funtsezkoa da HAPOren idazketa bideratzeko, eta jendaurrean jarriko da edozein interesatuk azter dezan. Edukia udal gardentasunaren atarira igoko da, herritarrek parte har dezaten iradokizunak eta alternatibak aurkeztuz. Erakusketa-fase horrek uda osoan iraungo du, eta herritarrek HAPOren egitura orokorraren definizioan parte hartzea erraztuko du.
Gainera, ekainaren 4an, Kurtzio Kultur Etxeko Auditorioan Aurrerapenaren edukiaren jendaurreko erakusketa egingo da, herritar guztiei zuzendua. Ekainean, oraindino zehazteke dauden egunetan, herritarrek parte hartzeko beste bi saio egingo dira Aurrerapenakaz lotuta, eta, horrela, Sopelako hirigintza-garapenean herritarren inplikazio handiagoa sustatuko da.
Urrats horiek etengabeko prozesu baten parte dira, HAPOk herritarren beharrak eta nahiak islatzen dituela bermatzeko, hiri-plangintza inklusibo eta garden baterantz aurrera eginez.