Jarduketa hori kontratatzeko prozesua ekainaren erdialdean hasiko da, Kostaldeei egindako azken errekerimendu formalaren epea amaitzen den egun berean. Horrela, Sopelako Udalak bere gain hartzen du Barinatxeko hondartzarako sarbidea, segurtasuna eta garbiketa behin-behineko jarduketa subsidiario honen bidez errazteko ekimena, eta jarduketa horren kostuak udalaz gaindiko administrazio eskudunei erreklamatzeko aukera gordetzen du.
Abendu bukaeran luizi bat gertatu zen Barinatxe hondartzako ezponda batean, eta, ondorioz, ezinezkoa izan zen pertsonak eta ibilgailuak orain arte erabilitako arrapalatik sartzea. Udalak jendearentzako sarbidea itxi zuen segurtasun arrazoiengatik, eta harremanetan jarri zen Itsasertz Mugarteargaz, eskumena duen administrazioagaz, arazoari irtenbidea aurkitzeko.
Kostaldeak geldirik zeudenez, Sopelako Udalak errekerimendu formal bat aurkeztu zuen, sartzeko arrapalaren erabilera berrezartzeko eta zonako segurtasuna bermatzeko premiazko esku-hartze bat eskatzeko. Horri erantzunez, Costasek jakinarazi zuen bere asmoa Barinatxe hondartzaren inguru osoa naturalizatzea zela, 2025. urtearen amaieran hasteko aurreikusitako proiektu bategaz..
Itsasertz Mugartearen proiektu horrek ez die erantzuten Sopelaren beharrei epe laburrean, eta inplikatutako administrazioen artean bilera formalak egin dira. Hori dela eta, azkenean maiatzaren hasieran udalak berehala eta behin-behinean esku hartzea proposatzen du, Barinatxeko hondartzara pertsonak eta larrialdietako ibilgailuak sartzen direla bermatzeko.
