Zapatu honetan, ekainaren 2an, topaketa berezia antolatu dute Sopelan; izan ere, Uribe Kostako ehuntzaileen eguna egingo dute lehenengo aldiz. Eskualde mailan, ehuntzaileen hiru talde daude egun, zehazki, Itzulbatzeta/Romon, Sopelan eta Barrikan. Ekimen honen bidez, antolatzaileek ehungintza ikusarazi eta indartu gura dute, bere "izaera artistikoa" nabarmenduz. Hala, 10:30etik 14:30era ehuntzen egongo dira Bentatxu kaleko arkupeetan.
Antolatzaileek azaldu dutenez, goiz osoa egongo dira kolektiboki ehuntzen. Bakoitzak laukitxo bat egingo du, eta gero arduradunek zati guztiak batuko dituzte burusiak egiteko. Horiek, Sopelako egoitzara eramango dituzte, behar dituzten lagunentzako.
Sopelako ehuntzaileen taldeko kideek diotenez, laukitxoak egiteaz gainera, topaketa honen helburua da Itzulbatzeta/Romo eta Barrikako emakumeakaz ere biltzea eta sarea egitea. Gainera, jende gehiago ekintza honetara animatzea espero dute.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!