Elkartekide batzuen adierazpenen arabera, akordio horrek "ikusgarritasun handiagoa" emango dio Elkarteari Udala edo Eusko Jaurlaritza bezalako erakunde ofizialen aurrean. Era berean, "merkataritza dinamizatzeko jarduera gehiago" egiteko asmoa agertu dute eta saltoki gehiago atxikitzeak funtsezko lanak egiteko beharrezko laguntza indartuko duela azpimarratu dute, "hala nola Eusko Jaurlaritzaren Hirigune dirulaguntzarekin lotutako kudeaketak".
Gainera, pertsona gehiago daudenez, ideia berri gehiago sortzea eta haien beharrak hobeto defendatzea ahalbidetzen du. Elkartea 30 saltokik osatzen dute gaur egun, eta honela definitzen da: "Prestakuntza, zerbitzuak eta aholkularitza bezalako arloetan sektorea hobetzen duen kolektiboa". Helburua da Sopelako herritarrek "bertako saltokietan erosterakoan abantailez gozatzea". Ildo horretan, positibotzat jo dute Udalagaz hitzarmena sinatu izana, "batasuna sustatzeko eta guztiontzako herri bat sortzeko".