Gertatutakoaren berri izan ostean, Sopelako Udalak bere "tristura eta samina" agertu du, eta doluminak helarazi dizkio gaztearen senide eta lagun guztiei. Gainera, atzo, domekan, inguruan egin zen Kosta Traila zela eta, lasterketako arduradunakaz adostuta, ekitaldian musika eten eta minutu bateko isilunea egin dute omenaldi gisa. Gainera, sariak publikorik gabe banatu zituzten, "familiaren eta sopeloztarren minari errespetua adierazteko".
Ertzaintza 15 urteko gazte baten heriotza ikertzen ari da Sopelan
Hamabost urteko mutil bat hil zen joan den zapatuan, Sopelan. Iturrien arabera, Larrabasterra auzoko Gatzarriñe kalean dagoen goi tentsioko dorre batean igota zegoen eta, dirudienez, elektrokutatuta erori egin zen. Ezbeharra 21:30ean izan zen, eta bertan hil zen gaztea. Ertzaintza gertatutakoa ikertzen ari da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun