Neurriaren helburua da pertsonentzako jai-giro erosoagoa eta atseginagoa sustatzea, bide-segurtasuna areagotuz, eskualdeko trafiko-fluxua erdigunetik kenduz. Baimenduriko ibilgailuak eta auzotarrak beren garajeetara igarotzea baimenduko da. Mozketak atzo eta gaur arrastian artean egingo dira, domeka gauean jaiak amaitu arte.
Zehazki, hauek dira aurreikusitako trafiko-mozketak: Sipiri kalearen eta Loroño kalearen arteko bidegurutzetik Garbiguneko biribilguneraino (Sabino Arana kale osoa), garajeen eta baimendutako ibilgailuen sarrerarako eta irteerarako bakarrik zirkulatu ahal izango dute herritarrek. Mozketa horren ondorioz, Akilino Arriola kalea ere, 1. zenbakitik elizaren biribilguneraino, itxi egingo da. Trafiko mozketa horiek gaur arrastian eta gauez izango dira, eta 28an, bihar arrastian, igande gauean jaiak amaitu arte.
Sopelatik Urdulizera joateko bide alternatiboak hauek izango lirateke: Loroño kaletik, semaforoetan ezkerretara biratu Sipiri kalerantz, Zapatari-etxe kaletik, Artadi kaletik eta Zaldukanpo kaletik Garbiguneko biribilguneraino.Olabide kalea (Ospitaleko errepidea).
Urdulizetik Getxorantza joateko bide alternatiboa hau izango litzateke: Olabide kalea (sarbidea Garbiguneko biribilgunetik edo Ospitaleko errepidetik). Sopelara autoz etorri gura dutenei Loroñoko aparkalekuan aparkatzea gomendatzen zaie (Zabalbide kaleko 73. zenbakiaren parean). Hala ere, jaiegunetan Sopelara etortzeko garraio publikoa (MetroBilbao bereziki) erabiltzea gomendatzen da.
