Sopela Kosta Fest adin eta publiko guztiei zuzendutako jaialdia da, naturan, musikan eta surfean oinarrituta, Sopelako inguruneaz eta ondasun naturalez gozatzeko aukera paregabera eskaintzen duena.
Beste behin, EHSF Surf Txapelketa, kayak surfa, surf egokitua… Surfaz eta surfaren bitartez gozatzeko aukera bikaina egongo da aste-akabu horretan egingo dituzten jarduerakaz. Baina ez da kirol bakarra izango: Kalistenia, parkourra, slackline-a, taitxia edo skateboarda bezalako modalitateak ere praktikatzeko beta egongo da aurte ere.
Kirola ez ezik, bestelako ikastaro eta tailerrak eta argazki-lehiaketa eta -erakusketa ere egongo dira. Hala, puntako musika taldeak borobilduko dituzte egun zoragarri horiek: Maruja Limon, Arizona Baby, Bele, Janus Lester, Acid Tongue, Cherry Boppers Patricia Meet Reckless, Txopet, Vulcanizadas eta Ginger.
Izen-emateak datozen asteetan jarriko dituzte martxan, eta informazio guztia sopelakostafest.eus atarian eta jaialdiaren sare sozialetan egongo da eskuragarri.