Lehen jokoa gogorra izan da, eta pare-parean ibili dira lau protagonistak. Bigarren jokoan, ordea, Maldonado eta Gordon nagusitu dira, 10-9, eta finala berdindu dute. Gorriak 6-3 irabazten izan dira, baina Gaubeka eta Ibai Perez suspertu egin dira, eta, 0-4ko partziala ezarrita, 7-6 aurreratu dira, bai eta 9-8 ere. Tanto erabakigarrian, Maldonado eta Gordon txukun aritu dira, eta berdinketa lortu dute, banakoa. Halaber, bikoteak ia ez du akatsik egin, eta maila oso ona eman dute finaleko hirugarren jokoan.
Azkenean, laugarrenean Maldonadok eta Gordonek ez diete aukerarik eman aurkariei, eta 10-5 irabazi dute. Gorriak gehiago izan dira, eta oso indartsu jokatu dute; urdinek presioa zuten, jokoa eskuratzekoa, bosgarrena behartzeko, eta ezin izan dute hori gainditu. Horrenbestez, finala hiru eta bat eskuratu du bikoteak.