Diru-laguntza horrek FSE Plus du izena, eta Administrazioko lanpostuen soldata-kostuak finantzatzera bideratuta dago, 8 eta 12 hilabete bitarteko aldietan 30 urtetik beherakoentzat. Hileko soldata gordinak, 12 ordainsaritan banatuta, 2.390,46 eurokoak izango dira teknikarientzat, 1.778,53 eurokoak administrarientzat eta 1.612,77 eurokoak langileentzat.
Sopelak eskatutako profilek Udala modernizatzeko eta garai berrietara egokitzeko balioko dute, dokumentazioa digitalizatzearen eta prozesuak hobetzearen aldeko apustua eginez. Garrantzitsua da azpimarratzea, gainera, diru-laguntza hori eskatzen den lehen aldia dela, eta profilak Udaleko zerbitzu teknikoakaz kontsultatu ondoren egin direla. Gainera, Gobernu Taldearen apustu irmoa da gazteen eta kalitatezko enpleguaren alde, eta Udalaren funtzionamendua hobetzea ahalbidetuko du.
Toki Garapeneko zinegotzia den Eder Garciaren hitzetan, gazteria da Sopelaren funtsezko zutabea, eta kalitatezko enpleguak bultzatu behar dira emantzipatzeko eta beren bizi-proiektuak garatzeko. "Horregatik, diru-laguntza horren berri izan genuenean, proposamen ahalik eta osatuena eta teknikoki egiaztatuena prestatzeari ekin genion. Kalitatezko lanpostuak sortu genituen eta, aldi berean, herriaren funtzionamendua hobetu genuen, ezin genion ihes egiten utzi”.