Agate Deuna bezperan, otsailaren 4ean, Sopelako kaleak kantuz betetzeko asmoz, Sopelako Udalak parte hartzeko deialdia luzatu die herriko talde, elkarte, eragile eta kolektiboei. Ondoren zehazten diren baldintzak betetzekotan, parte hartzaileei dieta bat ordainduko zaie. 20 partaidetik gorako taldeak izan beharko dira. Izen-ematea: 2025eko urtarrilaren 20tik 30era arte, info@sopela.eus helbide elektronikora erantsitako formularioa bidaliz.
Partaideak baserritarrez jantzita joan beharko dira eta gutxienez leku hauetan abestu beharko dute: Udaletxeko plaza, Jauregizar plaza, Urgitxieta plaza eta Loiola Ander Deuna kalea (Surflariaren estatua).
Ibilbide osoa egin dela erakusteko, leku bakoitzean taldearen argazki bat bidali beharko da. Gainera, emanaldia jasotzen duen bideo bat bidali beharko da abestu behar den lekuetako batean, gutxienez. Argazkiak eta bideoa Whatsapp bidez bidali daitezke 747 480 355 zenbakira edo e-mailez info@sopela.eus helbidera, Agate Deuna 2025 eta taldearen izena jarriz. Sopelako Udaleko Kultura, Euskara eta Hezkuntza arloak 2025ko aurrekontuan eskuragarri dagoen dieta banatuko du dokumentu honetan ezarritako baldintzak betetzen dituzten talde parte-hartzaile guztien artean.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
