Sopelako Udalak bi informazio-panel elektroniko jarri ditu Akilino Arriola kalean eta kiroldegi alboan, Sopelako informazioa herritarrei modu zuzenean eta eraginkorrean helarazteko asmoz.
Askotariko kontuen berri ematen dute: abisuak, udal jarduerak, interes orokorreko gaiak… Eguneko 24 orduetan dago piztuta, eta herritarrak uneoro informatuta egotea da helburua.
Proiektua 2023-2027 Legegintzaldi Planean dago jasota, eta Udalaren eta herritarren arteko komunikazioa hurbilagoa eta jarraituagoa izatea lortu gura da horrela, herritarren parte hartzea aktiboagoa izan dadin.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!