Udaleko iturriek jakitera eman dutenez, hondarrezko solariumaren eremura iristen ziren bi ur arrasto identifikatu zituzten, hondartzaren eskuinaldean, El Peñon establezimenduaren azpian. Isurketa ez zen itsasora iritsi, beraz, bainatzeko uraren kalitatean ez du eraginik izangainera, in situ jasotako laginek amonioaren litroko 8 miligramo baino gehiagoko kontzentrazioa eman zuten, eta horrek esan gura du isuriaren jatorria hondakin-uretan egon daitekeela.
Egoera horren aurrean kautelazko neurri hauek hartu dituztela jakinarazi dute Udaletik: salbamendu- eta sorospen-zerbitzuek balizak jarri dituzte El Peñon tabernaren inguruan, eta neurri horiek isurketa guztiz konponduta dagoela egiaztatu arte mantenduko dituzte.
Era berean, establezimenduaren titularrari eskatu diote ikuskatutako saneamendu-sistemaren berrikusketaren dokumentazioa bidaltzeko. Egoera 72 orduko epean berrikusiko dute, edo isurketa konpondu dela baieztatzen denean.